BE.283 Logu no.30
NANG SIPATA PE IDAON

Ayat 1
Nang sipata pe idaon Debatanta manadingkon
Anak haholongan i Tung na so tutu do i.

Ayat 2
Nang sipata dipabenda Debata pangurupiNa
Anggo jumpang tingki ni Pintor tongosonNa i.

Ayat 3
Songon ama di anakna Pangalehon ni Tuhanta
Holan na hasea i, I do lehononNa i.

Ayat 4
Pos rohangku di Amangku Nang beha hagogotanku
Sai holong rohaNa i Di au on anakNa i.

Ayat 5
Setan manang musu jolma Nang beha pangarsahina
Mengkel do au mida i, Ai mangolu Amangki.

Ayat 6
Manang ro pe hamatean Ndada olo au tahutan
Hutiopi Jesus i, I do alealengki

Ayat 7
Asal ma tongtong jambarhu Asi ni rohaM Tuhanku
Nang pe tu udean au Sae do molo Ho di au.
